VOV4.Jarai -  Jơnum min mơnuih ƀon sang tơring čar  Gialai phrâo hơmâo tơlơi pơtrun tŭ yap “akŏ bruă djă pioh pơđĭ kyar phun akha kyâo amăng tơring čar truh thun 2025, anăp nao thun 2030”. Tui anun, truh thun 2025, đơ đam tơring čar amra pla 10.000 ektar phun akha kyâo; thun 2030 pla 20.000 ektar (amăng anun hơmâo 11.300 ektar pla gah tơgŭ glai rưng, 8.700 ektar pla amăng đang hmua). Hơdôm phun akha kyâo hơmâo ruah pla anun lĕ: mật nhân, plăng, thủ ô, sa nhân tím, đẳng sâm, đương quy, ba kích, đinh lăng…phun akha kyâo hơmâo đing nao pla ƀơi hơdôm plơi pla ayuh hyiăng gal anun lĕ ƀơi tơring glông Kbang, Đak Đoa, Mang Yang, An Khê, Čư̆ Sê, Čư̆ Pưh, Čư̆ Prông, Ia Pa. Anih tih rơnoh prăk tuh pơ alin giăm 5.200 klai prăk. Amăng anun, rơnoh prăk mơng ngăn drăp Kơnuk kơna lĕ giăm 477 klai prăk hăng rơnoh prăk rơngiao ngăn drăp kơnuk kơna lĕ 4.723 klai prăk.

Siu Đoan: Pơblang