VOV4.Jarai - Kiăng kơ ngă tui kjăp tơlơi črâo trun mrô 16 mơng Khua dêh čar tui tơlơi git gai mơng Khul pơgang klin Covid-19 tơring čar Gialai, Jơnum min mơnuih ƀon sang plơi prong Pleiku (Gialai) hơmâo hră pơ-ar črâo ba bruă găn nao rai, kiăng kơ plai ƀiă mrô mơnuih tơbiă hyu gah rơngiao. Jơnum min mơnuih ƀon sang plơi prong Pleiku rơkâo ƀing mơnuih tơbiă hyu yua kơ nao mă bruă kiăng djă ba hră pơ-ar yua kơ anom bruă pơsit ( ƀudah hră tơbiă hyu gah rơngiao) kiăng pơhlôm amăng bruă găn nao rai amăng să, phường ƀudah hơdôm anih wai pơgang mơng tơhan kông ang plơi prong.

Plơi prong Pleiku ngă tui tơlơi črâo trun mrô 16 dong mơng lơ 28/8 truh ră anai, mơnuih ƀon sang hơmaoa ngă tui klă. Samơ̆, ăt dŏ sa, dua anih mơnuih ƀon sang tum pơƀut lu mơnuih, ƀu truă akhăn gôm ƀô̆, lu mơnuih tơbiă hyu gah rơngiao tui hluai hor. Mơng lơ 28/8 truh lơ 5/9, plơi prong Pleiku hơmâo phak 93 čô mơnuih ngă soh hăng mrô prăk rơbêh 303 klăk prăk.

Siu Đoan: Pơblang