VOV4.Jarai -  Čơtlăm lơ 29/10, Grŭp pel ĕp kơđi tơlơi mơng Ding jum wai lăng mơnuih mă bruă, tơhan rơka ruă hăng mơnuih mơnam dêh čar ta yua kơ Khua Anom bruă wai lăng bruă mă Vũ Trọng Bình ngă khua grŭp, hmâo laih mông mă bruă hăng Gơnong bruă wai lăng mơnuih mă bruă, tơhan rơka ruă hăng mơnuih mơnam tơring čar Gialai kơ bruă ngă tui hơdră bruă hơđong tơlơi hơdip mơnuih mơnam, djru mơnuih mă bruă hăng mơnuih mă yua mơnuih mă bruă bưp tơlơi tơnap yua kơ klin Covid-19.

Amăng mông mă bruă hăng grŭp lăng tui, ƀing khua pơ ala ăt hmâo ba tơbiă mơn hơdôm bruă pơsir hơkrŭ glăi hăng pơđĭ kyar mơnuih mă bruă amăng hăng tơdơi kơ klin Covid-19 ngă. Hơdôm bruă pơsir pơtlaih tơnap kơ anom bơwih ƀong, anom mă bruă hrom, sang anô̆ bơwih ƀong sĭ mơdrô hơđong ngă rai gơnam tam kiăng pơhư̆č mơnuih mă bruă, djru mơnuih mă bruă pơwot glăi mă bruă. Pơhiăp amăng mông mă bruă, Khua Anom bruă wai lăng bruă mă Vũ Trọng Bình pơsit yôm bruă ngă tui hơdôm hơdră bruă dưi pok pơhai tañ, pơplih tañ, hơdră lu mơta. Pơ̆ anăp anai, gơnong bruă mơng tơring čar Gialai ngă tui dong, ngă brơi hơdră bruă truh djơ̆ mơnuih bơdjơ̆ nao tơdơi kơ klin Covid-19 rơgao./.

Siu H’ Prăk: Pô pơblang