VOV4.Jarai - Mơguah lơ 4/1, tơring čar Gialai hmâo pơphun ngă lơphet pok phun bruă hyu ĕp, tum pơƀut tơlang tơleh ling tơhan pơsăn drơi nao gum hrom hăng ƀing juăt bruă dêh čar Việt Nam pơsăn drơi amăng hơdôm tal blah ngă ƀơi dêh čar Kur, bơyan phang thun 2021-2022. Gum hrom tal hyu ĕp, kuai ba glăi tơlang tơleh ling tơhan pơsăn drơi tal anai hmâo 62 čô mơnuih apăn bruă tơhan, ling tơhan gah Đội K52, Ƀirô git gai khul ling tơhan tơring čar Gialai, dưi pơpha jing 3 črăn, hyu ĕp ƀơi 3 bôh tơring čar Preah Vihear, Stung Treng hăng Ratanakiri, dêh čar Kur. Dưi thâo mơng thun 2001, truh ră anai, Đội K52 tơring čar Gialai hmâo ĕp ƀuh, tum pơƀut hăng ba glăi tơlang tơleh mơng 1.428 čô ling tơhan pơsăn drơi glăi pơdơi ƀơi Pơsat Ling tơhan pơsăn drơi tơring glông Đức Cơ, tơring čar Gialai./.

Siu H’ Prăk: Pơblang