VOV4.Jarai - Tui hăng pran jua črâo ba mơng Kơnuk kơna hăng Ding jum ia jrao, Grŭp črâo ba pơgang, pơgăn klin Covid-19 tơring čar, Gơnong bruă ia jrao tơring čar Gialai glăk ngă tui tañ rơnoh tlâ̆o vaccine pơgang Covid-19 tal 3 pơhlôm ngă giong kơčăo bruă amăng lơ 18/6. Tal 3, tơring čar Gialai dưi hmâo Ding jum ia jrao dêh čar pơpha 27.880 liều vaccine yua kơ COVAX Facility djru kiăng pok pơhai tlâ̆o pơgang hlôm hlâo hơdôm mơnuih dưi đing nao hlâo. Bruă tlâ̆o vaccine dưi pok pơhai ƀơi hơdôm anih anom tlâ̆o jrao ƀơi Sang ia jrao prong tơring čar, Sang ia jrao mrô 331 hăng Anom ia jrao hơdôm bôh tơring glông, plơi prong. Gơnong bruă hmâo črâo ba hơdôm bôh sang ia jrao, hơdôm bôh anom ia jrao ƀơi tơring čar pơtrut tañ bruă tlâ̆o vaccine pơgang Covid-19 tui djơ̆ tơlơi crâo ba mơng Kơnuk kơna hăng Ding jum ia jrao./.         

Siu H’ Prăk: Pô pơblang