VOV4.Jarai - Ơi Hồ Văn Niên – Khua git gai Ping gah tơring čar Gialai phrâo rơkâo ƀirô kông ang tơring čar tơgŭ kơđi ngă lar tưp hyu klin ruă huĭ rơhư̆t kơ mơnuih hăng pô ƀă kơman Covid-19 95028 dưi thâo lom lơ 24/7, anun lĕ mơnuih apăn bruă Jơnum min djop djuai ania mơnuih mơnam phường Tây Sơn, plơi prong Pleiku. Khă ñu lĕ F1 mơng pô ruă 36712, samơ̆ pô anai lăi pơthâo ñu lĕ F2. Pô anai ăt nao pơ̆ Jơnum min mơnuih ƀôn sang pioh mă bruă mơn, hyu pơ̆ lu anom bơwih ƀong kiăng rơkâo hơdôm anom bơwih ƀong pơkôl pơhlôm pơgang, pơgăn klin Covid-19. Yua kơ lăi pơthâo ƀu djơ̆ sit, pô ruă anai ngă laih 3 čô mơnuih amăng sa bôh sang anô̆ ƀă kơman klin Covid-19. Hluai tui bruă hyu huĕt ĕp, Anom wai lăng tơlơi duam ruă tơring čar Gialai pơsit hmâo 51 čô mơnuih lĕ F1 hăng 82 čô mơnuih F2 mơng pô apăn bruă anai./.

Siu H’ Prăk: Pô pơblang