VOV4.Jarai - Mơguah lơ 9/6, Jơnum min djop djuai ania mơnuih mơnam dêh čar Việt Nam tơring čar Gialai hmâo pơphun tŭ mă prăk djru pơgang pơgăn klin Covid-19 mơng hơdôm khul grŭp, anom bơwih ƀong. Amăng mông tŭ mă, hmâo 4 bôh anom, sang bruă anun lĕ: Sang bruă bơwih ƀong mơnuih ƀôn sang sa ding kơna ia săng ia jâu Bắc Tây Nguyên djru 600 klăk prăk, Sang prăk Sacombank djru 50 klăk prăk, Sang bruă pơđĭ kyar Drai pơkĕ apui lơtrik Sê San djru 30 klăk prăk, Sang bruă ƀong mơnuih ƀôn sang Khánh Hiền djru 20 klăk prăk. Jơnum min djop djuai ania mơnuih mơnam dêh čar Việt Nam tơring čar Gialai hmâo čih pioh laih tơlơi anăp nao, gum hrom djru hmao tlôn mơng hơdôm bôh anom bơwih ƀong sĭ mơdrô, khul grŭp kơ bruă pơgang, pơgăn klin Covid-19, hrom hăng anun čang rơmang hơdôm bôh anom bơwih ƀong, mơnuih thâo tơngiă ngă tui dong bruă gơgrong, gum hrom hăng gong gai pơgăn hăng ngă kơdun klin ruă./.

Siu H’ Prăk: Pô pơblang