VOV4.Jarai - Rơwang thun 2021-2025, hơdôm ƀon lan amăng tơring čar Gialai hơmâo pơphun man pơkra kjăp čroh ia kiăng gal amăng bruă pruih brơi phun pla, ba glăi tŭ yua amăng bruă ngă hmua. Kơnong ƀơi tơring glông Čư̆ Sê, mơng thun 2018 truh ră anai hơmâo tuh pơ alin giăm 10 klai prăk kiăng kơ man pơkra kjăp hơdôm čroh ia glông 18 km. Amăng tơring glông hơmâo 46 ring bruă dơnao pơkŏng ia dưi pơđoh mă yua brơi rơbêh 1.400 ektar hmua pơdai hăng 1.900 ektar phun pla pơkŏn. Čroh ia hơmâo man pơkra kjăp lĕ 52,2 km hơmâo ngă gêh gal brơi ia pruih hăng pok prong kual ngă hmua, hơmâo dong gơnam pơhrui brơi mơnuih ƀon sang. Ơi Hồ Phước Thành - Khua gơnong kơčăo bruă hăng tuh pơ alin tơring čar Gialai brơi thâo: Tui hăng tơlơi kiăng hăng jak iâu gum djru, ngăn drăp tơring čar amra djru brơi rĭm thun 100 klai prăk hăng đing nao pơpha rơgao rơnoh prăk anai kiăng pơtrut ngă tui jơlan hơdră man pơkra kjăp čroh ia, rơnoh prăk yua rơwang thun 2021-2025 giăm 500 klai prăk.

Siu Đoan: Pơblang