VOV4.Jarai - Amra hơmâo hơdră djru pơtô hrăm brơi bruă mă kiăng kơ ƀing mơnuih mă bruă glăk bưp tơnap tap tŏ tui bruă mă yua bơbeč mơng klin Covid-19. Anai lĕ tơlơi rơkâo mơng Ding jum bruă mă, tơhan rơka hăng mơnuih mơnam glăk mơ-it Kơnuk kơna ta sem lăng. Tui anun, mrô mơnuih mă bruă him lăng amra djru brơi lĕ giăm 1 klăk čô mơnuih. Rơnoh prăk rơkâo djru pơtô bruă mă lĕ 1 klăk prăk sa čô mơnuih sui hloh amăng 6 blan. Abih bang rơnoh prăk djru lĕ giăm 6.000 klai prăk mă mơng Keh prăk hrăm pơhlôm brơi mơnuih rơngiă bruă mă. Kơ bruă djru pơtô hrăm, akŏ bruă rơkâo djru brơi mơnuih mă bruă bưp tơnap tap yua bơbeč mơng klin Covid-19. Him lăng, tơdah dưi, hơdră djru amra dưi mă yua amăng rơnuč quý 1 ƀudah 2 amăng thun anai.

Siu Đoan: Pơblang