VOV4.Jarai - Mơguah lơ 9/7, 580.000 liều vaccine pơgang klin mơng AstraZeneca blơi tui hră kĭ pơkôl hlâo anun hluai tui hơdră tlâ̆o ia jrao pơgang VNVC hơmâo ba nao truh laih pơ tơdrŏn rơdêh por Tân Sơn Nhất. Hăng 580.000 liều vaccine mơng VNVC, anai lĕ tal tlâo jao vaccine tui hră pơkôl 30 klăk liều vaccine mơ̆ Kông ti pơčruih ngăn Vaccine Việt Nam (VNVC) kĭ pơkôl blơi glăi mơng AstraZeneca, tơdơi anun jao glăi Ding jum ia jrao, kiăng kơ hmao tlôn tlâ̆o brơi mơnuih ƀon sang, biă mă ñu lĕ ƀing mơnuih ƀơi kual hơmâo klin ră anai.

Pel ĕp glăi vaccine AstraZeneca

Laih dong, VNVC ăt ƀuăn amra gum hrŏm amăng bruă tŭ mă vaccine mơng AstraZeneca truh hrơi jao glăi abih. Ăt amăng mơguah lơ 9/7, 400.000 liều vaccine mơng Japan djru brơi hơmâo ba nao truh laih pơ tơdrŏn rơdêh por Tân Sơn Nhất. Anai lĕ mrô vaccine amăng mrô 2 klăi liều Japan djru brơi soh sel kơ dêh čar Việt Nam.

Siu Đoan: Pơblang