VOV4.Jarai-Anom bruă tơhan pơlih jơlan glông dêh čar brơi thâo, amăng 4 hrơi pơdơi ngă lơphet akŏ pơdong kơnuk kơna lŏn ia, ƀing tơhan pơlih jơlan glông amăng dêh čar hơmâo pơsir giăm 11 rơbâo wơ̆t tơlơi ngă soh rô nao rai ƀơi jơlan glông. Amăng anun, hơmâo 244 čô mơnuih soh yua mơñum tơpai. Amăng 4 hrơi pơdơi hơdor glăi lơ 2/9 akŏ pơdong kơnuk kơna lŏn ia, hơmâo 57 wơ̆t rơdêh pơjrom ngă djai 24 čô, 39 čô rơka rơkač. Lơ̆m hyu tir ĕp lăng, hơmâo pơsir ƀing ngă soh, tơhan pơlih jơlan glông dêh čar hơmâo ƀuh hăng pơsir giăm 11 rơbâo ngă soh; bơtơhmal đŭ prăk rơbêh 7 klai 400 klăk prăk.

Pơ anăp anai, tơhan pơlih jơlan glông kơtưn ngă hrom, ĕp lăng kiăng tơlơi pơhing ngă bruă rô nao rai jơlan rơdêh treng. Ĕp lăng tong ten ƀu brơi mơnuih đĭ dŏp rơdêh treng mơ̆ng kual hơmâo klin glăi pơ plơi pla, ngă rung răng laih anun ăt ngă gêh gal kơ jơlan rơdêh pơgiăng gơnam ƀong huă, djru kual tơnap tap dưi rô nao rai.

Nay Jek: Pơblang