VOV4.Jarai - Ƀơi mông jơnum tal 20 mơng Anom bruă git gai bruă Kơnuk kơna pơgang hưp ham ƀong kông ngăn pơphun amăng lơ 5/8, ơi Phan Đình Trạc - Ding kơna Ding jum kơđi čar, Khua apăn bruă Ping gah, Khua anom bruă Nội chính Kơnuk kơna brơi thâo, mơng akŏ thun truh ră anai, djop gưl ping gah, Jơnum min wai lăng kơđi tơlơi djŏp gưl pơphun ngă hră jăm ƀuah, bơtơhmal kơ rơbêh 70 grup ping gah, rơbêh 8000 čô ping gah ngă soh, amăng anun hơmâo giăm 180 čô ping gah arăng bơtơhmal yua hưp ham ƀong ngăn kơnuk kơna, rong či ngă soh hăng rơbêh 20 čô ping gah arăng bơtơhmal yua ngă soh amăng bruă čih pơhaih gơnam tam, prăk hơmâo.

Ơi Phan Đình Trạc - Khua anom bruă Nội chính Kơnuk kơna lăi pơthâo.

Mơng bruă hyu hơduah tơña, pel ĕp kơđi hăng pơsir tơlơi arăng ngă hră ƀŏm, tơgŭ kơđi, anom bruă Hơduah ĕp kơđi hơmâo ƀuh, pơsir brơi 20 tơlơi ngă soh, 35 čô hưp ham ƀong kông ngăn hăng ƀing bơdjơ̆ nao. Biă ñu, bruă hyu hơduah ĕp kơđi, pơsir bruă hưp ham ƀong prăk kă, bơwih ƀong huă hơmâo pơƀut git gai črâo bruă, tơgŭ kơđi phrâo lu biă, lu mơnuih ngă soh, amăng anun hơmâo lu khua mua pơprong, ngă tui djơ̆ tơlơi git gai mơng Khua git gai Ping gah ơi Nguyễn Phú Trọng, Khua anom bruă git gai lĕ “ƀu hơmâo anih kŏm, ƀu pơgao lui pô hlơi ôh”.

Siu H’Mai: Pơblang