VOV4.Jarai - Sang bruă apuih lơtrik tơring čar Daklak gum hrom hăng Khul ia jrao kyâu bơrơkal mriah pơphun jơlan hơdră brơi drah gum djru “Rơwang hrơi tơjuh mriah hơhur ENV tal 7” ngă pơhưč giăm truh 200 čô mơnuih gum hrom. Brơi drah gum djru lĕ bruă mă khăp păp rim thun mơng gơnong bruă apui lơtrik.

Bruă mă anai jai tŭ yua hloh amăng hơdôm thun klin Covid-19 ngă, drah kơƀah kơ bruă djru pơjrao mơnuih ruă kraih. Gum hrom brơi drah amăng tal klin Covid-19 ngă ƀơi Daklak ăt glăk ngă tơnap mơn, djop mơnuih leng kơ ngă tui tơpă hơdôm tơlơi pơkă pơgang pơgăn klin. Tal anai hmâo giăm truh 200 čô mơnuih apăn bruă, mơnuih mă bruă gah gơnong bruă apui lơtrik tơring čar Daklak gum hrom brơi hmâo 168 anung drah./.

Siu H’ Prăk: Pơblang