VOV4.Jarai -  Lơ 16/9, ƀơi Hà Nội, Grŭp Khua Jơnum min djop djuai ania mơnuih mơnam dêh čar Việt Nam pơphun jơlan hơdră tal pơsur tô̆ tui “Abih bang mơnuih ƀôn sang gum hrom hơbit, run pran pơgang, pơgăn klin Covid-19”.

Khua Jơnum min djop djuai ania mơnuih mơnam dêh čar Việt Nam iâu pơthưr djru pơgang, pơgăn klin Covid-19 

Grŭp Khua Jơnum min djop djuai ania mơnuih mơnam dêh čar Việt Nam iâu pơthưr abih bang mơnuih apăn bruă, mơnuih mă bruă čar, mơnuih mă bruă pơkon, ling tơhan hơdôm khul tơhan; hơdôm mơnuih bơwih ƀong sĭ mơdrô djop mơta; hơdôm khul grŭp jar kơmar, mơnuih Việt Nam pơ̆ dêh čar tač rơngiao; hơdôm khul grŭp đăo; hơdôm gưl mơnuih ƀôn sang... ngă tui pran jua gum hrom hơbit djuai ania, djru prăk, gơnam tam gah ia jrao, braih piăng, gơnam ƀong huă, gơnam kiăng yua hloh... kơ bruă pơgang, pơgăn klin. Amăng mông ngă lơphet pơphun mơtăm, hmâo mă tơlơi gum djru hăng rơkâo gum djru mơng rơbêh kơ 30 grŭp, anom bơwih ƀong, mơnuih hăng abih bang prăk mơta hăng gơnam tam hmâo nua rơbêh kơ 290 klai prăk./.

Siu H’ Prăk: Pô pơblang