VOV4.Jarai - Ƀơi Hà Nội, Khul khua git gai Jơnum min djŏp djuai ania mơnuih mơnam Việt Nam hăng Jơnum min Djuai ania phrâo ngă hrŏm pơphun Jơnum klah čun 5 thun ngă tui jơlan hơdră ngă hrŏm rơwang thun 2017-2021 hăng kĭ pơkôl jơlan hơdră ngă hrŏm rơwang thun 2021-2025. Hrơi blan rơgao, dua bơnah hơmâo ngă hrŏm pơgang, djă pioh gru grua boh thâo djŏp djuai ania; pok pơhai lu tơlơi pơtrun mơng Ping gah, tơlơi djru Kơnuk kơna kơ pơđĭ kyar bơwih ƀong huă - mơnuih mơnam, pơđĭ tui tơlơi hơdip kơ mơnuih ƀon sang djuai ƀiă.

Khua Jơnum min djŏp djuai ania mơnuih mơnam Việt Nam Đỗ Văn Chiến kiăng amăng hrơi blan pơ anăp, dua bơnah kiăng ngă hrŏm kơjăp hloh dong pok pơphun hơdôm jơlan hơdră dêh čar pơđĭ kyar bơwih ƀong huă- mơnuih mơnam; thâo hluh tơlơi pơmin, pran kiăng khăp, pơphun ngă klă djŏp bruă bơkơtưn khăp kơ lŏn ia, hơdôm tơlơi jak iâu đah mơng djru ba neh met wa djŏp djuai ania pơđĭ kyar bơwih ƀong huă, akŏ pơdong plơi pla phrâo, pơhlôm rơnuk rơnua, hơđong kơjăp mơnuih mơnam; biă ñu lĕ jơlan hơdră dêh čar pơđĭ kyar bơwih ƀong huă - mơnuih mơnam kual mơnuih ƀon sang djuai ƀiă hăng kual čư̆ siăng rơwang thun 2021-2025.

Siu H’Mai: Pơblang