VOV4.Jarai-Tlam tom brơi, lơ 31/8, ƀơi sang bruă pơtui jua pơhiăp dêh čar, 58 jơlan Quán Sứ, Hà Nội, Gong phun jua pơhiăp Việt Nam, pơphun ngă lơphet brơi ƀing pơyơr pran jua nao mă bruă pơ hơdôm tơring čar gah kual dơnung. Grup hơmâo khua mua, mơnuih čih tơlơi pơhing phrâo gơñu rơkâo nao mă bruă djru ană plơi pla gah dơnung, grup hơmâo 12 čô nao pơ ƀôn prong Hồ Chí Minh hăng hơdôm tơring čar gah kual dơnung yua kơ ơi Phạm Mạnh Hùng, Kơ-iăng Khua gong phun jua pơhiăp Việt Nam ngă khua khul.

Grup anai mă bruă git gai, čih tơlơi pơhing phrâo, djru kơ tơlơi pơhing amăng kual klin kheng Covid 19 hăng hơdôm anom bruă pôr tơlơi pơhing mơ̆ng Gong phun jua pơhiăp Việt Nam. Ƀơi mông ngă lơphet či nao mă bruă, ƀing čih tơlơi pơhing phrâo Gong phun jua pơhiăp Việt Nam lêng kơ hur har nao mă bruă pơ anăp, hrom hăng lu tơhan dŏ mă bruă pơgang klin. Čang rơmang hơmâo lu tơlơi pơhing phrâo, ĕp lăng bruă mă sit nik, lăi pơthâo kơ bruă pơhlôm, pơgang klin dêh čar ta.

Nay Jek: Pơblang