Anai jing sa amăng hơdôm bruă bơkjăp drơi jăn hmư̆ hing amăng Thun tuai čuă ngui Dêh čar - Gia Lai 2026. Pri đă boh lông ia rơsĭ khul đah rơkơi thun 2026 pơphun mơ̆ng kơnôl 23/7 truh kơnôl 1/8 ƀơi hang ia rơsĭ Quy Nhơn, hơmâo rơbêh 230 čô mơnuih mơ̆ng 8 grup đă boh lông hang ia rơsĭ hơmâo puang lu hloh amăng đam čar ta.

Hơdôm grup kah jing 2 bơnah pơplông, rim bơnah hơmâo 4 grup, pơplông pơdar nao rai ha wơ̆t jŭ yap puang. Dua grup hơmâo puang lu hloh rim bơnah amra dưi mut pơplông nao rai. Tơdơi kơ anun pơplông tal rơnuč dong đah mơ̆ng ruah grup kơtang hloh. Hơdôm grup đă boh lông amăng đơ đam čar ta nao pơplông, jing pơƀuh bruă đă boh lông ƀơi hang ia rơsĭ jai hrơi hơmâo lu mơnuih hor, laih dong ƀuăn ba glăi sa bơyan đă boh lông mơak, hăng lu tal pơplông ngă pơhưč mơnuih nao lăng./.