Dak Lăk pơtrut pok pơhai Tơlơi pơtrun 80 mơ̆ng Ding jum kơđi čar kơ đĭ kyar gru grua
Thứ tư, 10:30, 22/07/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Tlam kơnôl 21/7, ngă bruă hăng anom bruă gru grua, bơkjăp drơi jăn hăng tuai čuă ngui, Jơnum min mơnuih ƀôn sang tơring čar Dak Lăk kiăng ječ ameč ngă rơđah sit nik Tơlơi pơtrun mrô 80 mơ̆ng Ding jum kơđi čar kơ đĭ kyar gru grua Việt Nam.
6 blan akŏ thun, bruă čơkă tuai hyu ngui amăng tơring čar đĭ kơtang mơn, hăng rơbêh 5,33 klăk wơ̆t tuai, pơhrui prăk hơmâo 9.600 klai. Ră anai tơring čar glăk pơƀut ngă giong hră pơ-ar “Tơlơi rơgơi pla hăng pơkra kơphê Dak Lăk” pơdah pơ UNESCO hăng hră pơ-ar Ngă yang pin ia pơdah pơ dêh čar.
Lăi dlăm, Tơlơi pơtrun mrô 80 jing tơmeh phun, Kơ-iăng khua jơnum min mơnuih ƀôn sang tơring čar ơi Y Nhuân Byă git gai anom bruă gru grua ječ ameč lăi pơthâo hơdră ngă bruă, tañ čih anăn mơit đĭ kơ Khul khua pơ ala mơnuih ƀôn sang tơring čar ƀơi mông jơnum akŏ bruă đah mơ̆ng kah pơpha prăk či ngă bruă tŭ yua./.
Viết bình luận