Anai jing tơlơi jơnum prong pơpŭ kơ gơnam mơ̆ng hmua hmư̆ hing hloh, laih dong pơƀuh anăn, gru grua, rup hiam mơ̆ng tơring čar. Ơi Đào Mỹ, Kơ-iăng khua Jơnum min mơnuih ƀôn sang tơring čar Dak Lăk brơi thâo, jơnum anai jing bruă yom pơtruh gong gai ƀon lan, mơnuih pơkra gơnam, sang bruă mơdrô hăng ƀing gŏp bơwih ƀong amăng čar ta wơ̆t hăng tač rơngiao.

Mơ̆ng anun, bruă anai pok rai anih mơdrô ba sĭ pơ čar rơngiao, pơhưč tuh pơ alin amăng tơring. Tui hăng Khul pơphun jơnum, hrơi jơnum ngui anai hơmâo 17 bruă hmư̆ hing kah hăng sang čơ pơdă gơnam OCOP, jơnum pơtruh ba sĭ gơnam, mơdrô gơnam ƀong huă, pơdah livestream sĭ gơnam hăng hơdôm tour hyu sem lăng anih pla. Tơlơi pơplih phrâo mơ̆ng mông jơnum anai lĕ pơtruh hyu čuă lăng đang hmua hăng gru grua plơi pla hơđăp ƀơi Dap Kơdư, amra pơƀuh hrơi ngui mơak mơai, hơmâo lu tơlơi ngă pơhưč tuai rơnguai./.