Kiăng lar hyu bruă lăi pơhing pơtrut tơlơi dưm kơnar bơnai hăng rơkơi truh hăng čơđai sang hră gưl dlông, hlăk ai tơdăm dra djuai ania ƀiă, mơmot tom brơi (2/10), ƀơi Sang hră đại học Tây Nguyên, Khul pơlir hơbit Đah kơmơi dêh čar Việt Nam gum hrŏm hăng Ding jum pơtô pơhrăm pơphun bơkơtuai, pơdah pơčeh phrâo hăng bruă lăi pơhing pơđĭ dlông tơlơi pơmin kơ dưm kơnar kơ hlăk ai djuai ania ƀiă.

Ƀơi Jơlan hơdră, čơđai sang hră gưl dlông djuai ania ƀiă mơ̆ng 6 bôh sang hră gưl dlông kual Tŏng krah hăng kual Dap Kơdư hmâo gum hrŏm bơkơtuai, pơdah hơdôm tơlơi pơčeh phrâo hăng bruă lăi pơhing. Hăng hơdôm hră pơdah kah hăng tơlơi ruai, tơlơi pơtưh, phim ber, video clip, rup yua kơ ƀing čơđai sang hră gưl dlông dăp hơdră, pơdah. Hơdôm črăn hơdră đing nao pơdah akă lăi nao dưm kơnar bơnai hăng rơkơi amăng bruă pơtô pơhrăm, pơtô juăt hăng amăng sang anô̆; đing nao pơđĭ dlông tơlơi pơmin kơ dưm kơnar bơnai hăng rơkơi, lăi pơhing sut lui hơdôm phiăn juăt sô hơđăp amăng plơi pla, pơsir hơdôm tơlơi kiăng hloh hăng bơnai, hlăk ai hăng čơđai muai./.