Hơdôm bruă mă bôh thâo đưm, adôh suang, jơnum ngui amra pơphun amăng hơdôm hrơi Tết ƀơi lu anih anom amăng tơring čar Dak Lak, kah hăng: Hrơi jơnum ngui bôh thâo đưm djop djuai ania tơring glông Ea Kar hăng pri pơplông waih song ania jơgrai, song Kayak ƀơi tơring glông anai (mơ̆ng lơ 4-6 Tết); Pri pơplông waih song tui phiăn juăt tơring glông Krông Ana (lơ 7 Tết); Jơnum ngui bôh thâo đưm Việt Bắc ƀơi tơring glông Krông Năng (mơ̆ng lơ 13 – 15 blan sa blan di); Pri bơpơtư̆ tui phiăn juăt tơring glông Krông Pač pok prong hăng bơkơtuai tơlơi adôh quan họ (mơ̆ng lơ 15 – 17 blan sa blan di).

Biă ñu, amăng mlăm čơkă thun phrâo, ƀơiu Tơdrŏn lal lơ 10/3, plơi prong Buôn Ma Thuột pơphun jơlan hơdră adôh suang “Mơ-ak Ping gah ư-ang, mơ-ak Bơyan bơnga Ất Tỵ thun 2025” hăng pơanăh mlăi bơnga pơđam ber. Hrŏm hăng anun, ƀơi kual krah hơdôm bôh tơring glông Ea Hleo, Krông Ƀuk, Krông Ana hăng Ea Kar ăt pơphun mơn jơlan hơdră adôh suang hăng pơphun pơanăh mlăi bơnga pioh kơ mơnuih ƀôn sang ƀơi anăp čơkă thun phrâo./.