Pơphun ƀơi Sang pioh hơdrôm hră tơring čar Dak Lăk mơ̆ng anai truh kơ abih lơ 2/2 pơ anăp, Jơnum ngui Hră pơhing bơyan bơnga Ất Tỵ tơring čar Dak Lăk pơdă giăm 250 mơta gơnam, rơbêh 1.000 hơdrôm hră hăng hơdôm rơtuh pok hră pơhing bơyan bơnga.

Hrŏm hăng pơdă ƀơi anih, hră pơhing hơmâo pioh amăng plang internet či pơđok mơ̆ng ataih dơ̆ng. tơdơi kơ anun, hơdôm mơta hră pơhing anai amra brơi kơ Sang gru grua plơi pla kual ataih yaih mơ̆ng tơring čar. Ơi Nguyễn Văn Phú, Khua Khul mơnuih čih tơlơi pơhing phrâo Dak Lăk brơi thâo: thun anai, hră pơhing lăi pơthâo djơ̆ lăp tơlơi hơdip, kơđi čar, bơwih ƀong huă, mơnuih mơnam, tơlơi rơgơi, tơlơi hing ang mơ̆ng ană mơnuih Việt Nam, tơlơi dưi ngă amăng bruă mă, bơwih ƀong, anăp nao tơlơi hơdip hiam hloh mơ̆ng lŏn ia ta, kơđŏm gru ƀhêm pran jua “Rơnuk hrưn đĭ mơ̆ng djuai ania”.