Tui hăng tơlơi kơsem min mơ̆ng ƀing kơsem min bôh thâo phrâo, amăng drŏng C3, C4 dưi pơjing bơdjơ̆ nao ƀơi anăp hăng apui kơdir Čư̆ Bluk rơgao hăng anai 600.000 thun. Amăng drŏng C3, C4 hluh nao rai, hăng abih bang rơwang ataih giăm hmâo 1000m. Amăng drŏng anai gah amăng drŏng yua apui kơdir pioh glăi ataih hloh kual Đông Nam Á hăng lŏn drŏn phara biă hăng hmâo nua yôm kơsem min prong.

Hlâo kơ anun, tơring čar Dak Nông hmâo pơphun ngă Lơphet čơkă mă Bằng dăp amăng gru grua lŏn ia Amăng drŏng C6-1, gah djuai amăng drŏng čư̆ apui kơdir pơ̆ Krông Nô. Amăng drŏng C6-1 dưi pơsit lĕ kông ngăn gru grua phara ha jăn ƀơi Việt Nam hăng kual Đông Nam Á. Anai ƀu kơnong kơ sa gru grua kông ngăn lŏn drŏn ôh mơ̆ ñu dô̆ jing anih kơsem min gơnam đưm, anih ĕp ƀuh tơlang tơleh mơnuih đưm hăng lu tal bôh thâo đưm rơgao hăng anai 6000 thun.

Rơgao kơ klơi ĕp ƀơi amăng drŏng C6-1 hăng C6, ƀing kơsem min gru grua đưm ĕp ƀuh lu gơnam lĕ gơnam mă yua ngă đang hmua hăng bôh pơtâo, hăng gŏ lŏn, tơlang hlô mơnong, kơđuh bôh lŏn, gru pơđom mơ̆ng sang apui. Biă ñu bruă ĕp ƀuh 3 gru grua đưm pơsat, gru pơđom tơlang tơleh mơ̆ng 10 čô mơnuih đưm. Bruă tal blung a ĕp ƀuh mơnuih đưm ƀơi hơdôm bôh amăng drŏng čư̆ apui kơdir hmâo tơhnal pok phun mơ̆ng bruă hyu klơi ĕp.

Lơm akô̆ thun anai, tơring glông Čư̆ Jut (Dak Nông) pơphun ngă Lơphet čơkă mă Bằng dưm dăp gru grua đưm gưl tơring čar hăng Gru grua anih anom hiam čư̆ apui kơdir Băng Mo, grŭp mơnuih ƀôn sang mrô 4, tơring kual Ea Tling. Tui hăng kơsem min mơ̆ng ƀing kơsem min bôh thâo đưm, amăng kual Đang bơnga lŏn drŏn đơ đam rŏng lŏn tơnah UNESCO Dak Nông hmâo ƀiă biă mă ñu 5 bah amăng apui čư̆ kơdir, amăng anun hmâo: Čư̆ apui kơdir Nâm B’Lang, čư̆ apui kơdir Nâm Ka, čư̆ apui kơdir Nâm Gle (tơring glông Krông Nô), čư̆ apui kơdir Nâm Dơng hăng čư̆ apui kơdir Băng Mo (tơring glông Čư̆ Jut).

Čư̆ apui kơdir Băng Mo hmâo rŭp hiam. Čư̆ rup đoan đuai akô̆, bah amăng ñu rup oval, bah amăng rup đoan đuăi akô̆ hăng hmâo hnoh pơđoh lĕ anô̆ phara kơ djuai apui kơdir gluh đĭ ƀơi tŏng krah. Kual lŏn pơgang ñu năng ai 13 ektar.

Bruă lu anih anom dưi tŭ yap gru grua đưm lŏn ia, gru grua gưl tơring čar jing yak nao yôm phăn djru pơgang, wai lăng hăng ngă tui nua yôm gru grua lŏn drŏn, lu mơta ra mơnong mơ̆ng Đang bơnga lŏn drŏn đơ đam rŏng lŏn tơnah UNESCO Dak Nông. Mơ̆ng anun pơtrut kơtang ngă pơhưč ngăn rơnoh tuh pơplai amăng bruă mă yua kơjăp anih anom hiam, pơjing lu gru grua anih anom tuai čuă lăng, djru pơđĭ kyar bơwih ƀong – mơnuih mơnam, pơđĭ dlông tơlơi hơdip mơda mơnuih ƀôn sang./.