Amăng tơlơi tơhmit hăng ol kơdol pran jua, 11 čô mơnuih gơgrong mă pô hăng mơnuih mơ̆ng sang anô̆ mơ̆ng 22 čô mơnuih apăn bruă pơkon hmâo čơkă mă glăi hơdôm mơta hră pơ-ar dưi djă pioh kơđiăng amăng rơbêh ha mơkrah rơnuk thun. Tơdơi kơ ngă lơphet jao glăi hră pơ-ar, tơring čar Gia Lai pok phun pơdă prưng “Trỗi dậy miền đất Bazan”, pơdah glăi bruă blah ayăt hăng pơjing khul ling tơhan plơi Gia Lai – mơ̆ng tơdơi kơ Tơlơi pơkôl Giơ-ne-vơ thun 1954 truh mông lŏn ia pơlir hơbit, hăng hơdôm yak pơplih pô kơtang tit amăng bruă pơđĭ kyar ră anai.

Pơdă prưng dưi pơpha jing 2 črăn lĕ “Găn rơgao asap apui blah ngă” hăng “Hrưn đĭ amăng krah glai klô”, pơdah glăi hơdôm rơtuh hră pơ-ar, gru rup yôm phăn kơ rơwang 50 thun tlaih rơngai Gia Lai (17/3/1975) hăng 50 thun tlaih rơngai kual Dơnung dêh čar (30/4/1975) pơlir hơbit lŏn ia./.