Tơdơi kơ 45 thun pơjing hăng pơđĭ kyar, tơring glông Krông Pa, tơring čar Gia Lai hơmâo lu tơlơi dưi amăng pơđĭ kyar bơwih ƀong huă mơnuih mơnam. Jing kual tơnap tap amăng tơring čar Gia Lai samơ̆ thun 2023 tơring glông Krông Pa dưi pơhrui glăi rĭm akŏ mơnuih lĕ 44 klăk prăk, tơlơi hơdip jai hrơi pơđĭ kyar, pơhlôm hơđong amăng plơi pla ala ƀon.

Ƀrô tal anai, pô pơ ala brơi Ding jum gru grua, bơrơguăt drơi jăn hăng tuai čuă ngui, Khua Jơnum min mơnuih ƀôn sang tơring čar Gia Lai hơmâo jao hră pơsit anih djă pioh gru grua dêh čar hăng kual blah wang đưm Čư̆ Jŭ-Dliê Ya brơi tơring glông Krông Pa. Hơmâo thâo, amăng 2 tal blah wang kơdong glăi ayăt Prang hăng Mi, Cư̆ Yŭ-Dliê Ya lĕ kual ngă hơkrŭ mơng dua tơring čar Gia Lai hăng Dak Lak, kơđŏm glăi hơdôm tal blah dưi hing ang mơng Ping gah hăng mơnuih ƀôn sang.