Yă Vũ Thị Hương Giang, Khua wai lăng Thảo Cẩm Viên brơi thâo; ngui tal anai hơmâo pơphun prong hloh, hơmâo rơbêh 50 anih pơdă prưng, lăi pơthâo 149 gơnam ƀong tui gru grua tlâo kual, mơng anun pơgôp lăi pơthâo gru grua tơnă hơbai jơman mơng rĭm boh kual.

Hrơi mông pel ĕp gơnam ƀong jơman ƀơi Việt Nam amra dưm dăp jing 3 kual Huế-Sài Gòn-Hà Nội hăng hơdôm gơnam ƀong jơman tui gru grua mơng ƀôn prong sô hơđăp Huế, ƀudah anih tơnă hơbai dik dak mơ-ak mơng Sài Gòn hăng lu gơnam ƀong jơman ƀơi kual Dơnung hăng pel ĕp hơdôm anŏ yôm phara mơng hơdôm gơnam ƀong jơman mơng plơi prong jưh jom Hà Nội, hrŏm hăng hơdôm gơnam ƀong jơman amăng kual Dap kơdư. Jơlan hơdră ăt hơmâo tơlơi mut hrŏm mơng ƀing tơnă hơbai jơman hloh, lăng arăng tơnă hơbai ƀơi anăp hơdôm gơnam ƀong tui gru grua Việt Nam. Hrơi tơnă hơbai pơphun mơng lơ 26/4 truh lơ 1/5. Yă Vũ Thị Hương Giang brơi thâo dong:

“Hăng anăn “Lŏn ia rơngai”, ƀing gơmơi hơmâo gơnam kơđŏm glăi mơng hrơi ngui ngor lĕ hơdôm gơnam ƀong jơman mơng kual Kơdư-Tong krah-Dơnung. Jơlan hơdră hơmâo tơlơi mut hrŏm ƀing rơgơi kơhnâo, ƀing gơñu amra pơkra ƀañ ƀơi anun mơtăm hăng lăi pơthâo brơi tuai čuă ngui”.