Ƀuh lu anih him lăng anih pơkra ñŭ, buai, bưn hăng pơtâo ƀơi anih djă pioh gơnam hơdă Thác Hai. Anai lĕ boh tơhnal hơmâo lăi pơthâo amăng jơnum lăi pơthâo kơ bruă klơi ĕp gơnam sô hơđăp Thác Hai tal 3 yua Sang djă pioh gơnam sô hơđăp tơring čar Dak Lak pơphun tlam lơ 13/9. Anih dŏ gơnam sô hơđăp ƀơi Thác Hai amăng ƀut plơi 6, să Ia Jlơi, tơring glông Ea Sup, tơring čar Dak Lak, hơmâo ĕp ƀuh akŏ thun 2020. Sang djă pioh gơnam sô hơđăp tơring čar Dak Lak hơmâo gum hrŏm hăng sang djă pioh gơnam sô hơđăp dêh čar hơmâo nao klơi 2 wŏt amăng thun 2021-2022. Mơng anun ĕp ƀuh lu gơnam yôm tal blung a ĕp ƀuh ƀơi kual Dap kơdư; amăng anun hơmâo lu gai khuer pơtâo Thác Hai hơmâo tŭ yap lĕ gơnam yôm dêh čar mơng thun 2023.

Tui ĕp lăng djop mơta brơi ƀuh anih dŏ djă pioh gơnam sô hơđăp Thác Hai sui mơng anai giăm 4.000 thun  ƀudah 2.000 thun, sui rơbêh 1.000 thun, mơng rơnuk tơdơi hơmâo pơtâo phrâo truh hơmâo pơsơi. Amăng tal klơi mă tal 3, mơng rơnuč blan 6 truh blan 7 thun anai, kơnong ha luh giăm 20 met karê pơhrui glăi giăm 1.400 gơnam sô hơđăp hơmâo pơtâo asah, kơƀang glĭt, jong, gai khuer hăng lu gơnam yua pơkŏn hơmâo thong pơtâo, gai khuer…sit biă ñu, blung a ĕp ƀuh ñŭ, buai hăng lu gơnam yua pơkŏn mơng bruă pơkra gơnam yua mơng pơtâo.