Đĭ pơhiăp amăng mông pơphun, Kơ-iăng Khua Jơnum min mơnuih ƀon sang tơring čar Kon Tum Nguyễn Hữu Tháp pơsit tong, hơdôm anom bruă čih tơlơi pơhing, pôr pơhing amăng tơring čar hrŏm hăng hơdôm anom bruă mă tơlơi pơhing mơng gơnong glông pơdong amăng tơring čar hơmâo lu tơlơi pơplih phrâo amăng bruă jao kơđi čar, ba glăi boh thâo kơ mơnuih mơnam, pơgôp prong amăng pơđĭ kyar bơwih ƀong huă-mơnuih mơnam amăng tơring čar.

Kơ-iăng khua Jơnum min mơnuih ƀon sang tơring čar Nguyễn Hữu Tháp čang rơmang hơdôm anom bruă pôr pơhing, čih tơlơi pơhing tŏ tui gir run ƀiă dong kiăng hơmâo lu tơlơi čih djơ̆ hloh; lăi pơthâo, pơsit tong bruă pơđĭ kyar amăng tơring čar; pơpŭ ƀing mơnuih čih tơlơi pơhing; pơsur pran jua, pơtrut lu mơnuih đok amăng tơring čar Kon Tum.