Nao pơplông thun anai, hơmâo giăm 1.500 čô mơnuih mơng hơdôm boh sang hră amăng 11 boh tơring čar, ƀôn prong hơmâo ƀôn prong Hồ Chí Minh, Bà Rịa-Vũng Tàu, Đồng Nai, Tây Ninh, Ninh Thuận, Bình Thuận, Bình Dương, Bình Phước, Lâm Đồng, Gia Lai, Kon Tum, Dak Nông hăng Dak Lak anih pơphun. Ƀing bơrơguăt drơi jăn amra pơplông amăng 11 tơlơi pơplông hơmâo: Đă boh lông, apah bong lông, pơtun gai, dui hrĕ, earobic, glŏm boh lông amăng griang, apah boh kơčăng mơnŭ, đă cầu, luai ia, đuăi hăng apah boh hăng kơƀang.
Tal pơplông bơrơguăt drơi jăn pơphun tui tơđar 5 thun ha wŏt, kiăng tŏ tui hăng pơtrut ngă tui tơlơi jak iâu “Abih bang mơnuih bơrơguăt drơi jăn tui gru wa Hô hing ang”, pơtrut pơsur ƀing čơđai sang hră bơrơguăt drơi jăn hăng pơplông kơplah wah rĭm boh sang hră, pơhlôm tơlơi suaih pral, hiam drơi jăn, pơhlôm bruă pơtô pơjuăt djop mơta; ĕp phrâo lu mơnuih hơdeč hmar kiăng pơtop hrăm brơi kơ grup dêh čar.
Viết bình luận