Hăng anăn “Lâm Đồng-Anih čuă ngui hơmâo bơnga hăng tơlơi adôh suang”, rơwang hrơi tơjuh yôm bơwih brơi tuai čuă ngui tơring čar Lâm Đồng tal 3 thun 2024 him lăng amra pơphun mơng lơ 31/5 truh lơ 6/6.

Rơngiao kơ hơdôm jơlan hơdră phun pơphun ƀơi plơi prong Đà Lạt, anun lĕ hrơi pơphun; jơlan hơdră ngui adôh suang; čơkă tuai mơng tač rơngia pel ĕp kơ bruă bơwih brơi tuai čuă ngui, anih bơwih brơi tuai čuă ngui phrâo; anih lăi pơthâo tơlơi adôh suang-gru grua djop djuai ania; anih pla bơnga hăng gơnam ƀong jơman ƀơi Đà Lạt”; hơdôm jơlan hơdră pơtrut pơsur “hrơi yôm”, “mông yôm”, rơwang hrơi tơjuh yôm bơwih brơi tuai čuă ngui tơring čar Lâm Đồng tal anai ăt hơmâo lu jơlan hơdră ngui ngor tui gru grua, bơrơguăt drơi jăn hăng tuai čuă ngui mut hrŏm hơmâo pơphun ƀơi hơdôm boh tơring glông, plơi prong amăng tơring čar.