Hăng akŏ tơlơi jơnum “Pơtruh nao rai gru grua hiam”, tal pơdă rup anai lăi pơthâo 100 pok rup hiam mơ̆ng ƀing rơgơi čơphil rup dua boh dêh čar Việt Nam hăng Hàn Quốc. Amăng anun, hơmâo 60 pok rup mơ̆ng ƀing rơgơi čơphil rup dêh čar Hàn Quốc, lăi pơthâo lŏn mơnai glai klô.

Gru grua hiam hăng ană mơnuih kual lŏn hơmâo Kim Chi; 40 pok rup mơ̆ng dêh čar Việt Nam lăi pơthâo bruă mă, tơlơi hơdip mơda, gru grua hăng anŏ pơblih phrâo kual lŏn Dak Lak lăi pha, lŏn Dap Kơdư lăi hrŏm. Tui hăng ơi Hồ Sỹ Minh, Kơ-iăng khua Khul rơgơi čơphil rup Việt Nam, tal pơdă rup anai, sa bruă mă yom biă mă  amăng lu bruă bưp nao rai ngui ngor gru grua plah wah ƀing rơgơi čơphil rup dua boh dêh čar, djru ngă tong ten hloh tơlơi rô nao rai giăng mah bơnah ngă hrŏm yom, hlom bom plah wah Việt Nam hăng Hàn Quốc.