Bruă jơnum ngui anai pơphun truh abih lơ 20/4, tum pơƀut lu bruă mă ngă pơhưč kah hăng pơdă prưng hơdrôm hră tui akô̆ ñu, bơkơtuai tơlơi čih – pô čih, bơkơtuai, lăi pơthâo hơdrôm hră, pơdă prưng rup, gơnam STEM, lông lăng hơdră hơduah ĕp hăng pơđok hơdrôm hră 4.0, rơdêh dưm hơdrôm hră ba hyu...

Hrơi jơnum ngui hmâo tơlơi gum hrŏm mơ̆ng 20 bôh ƀirô, anom bruă hăng anom bơwih ƀong amăng tơring čar hăng tơring čar pơkon, hăng abih bang nua ñu ƀơk brơi kơtu hơdrôm hră giăm truh 130 klăk prăk brơi kơ hơdôm bôh sang hră ƀơi plơi prong Buôn Ma Thuột, tơring glông Buôn Đôn hăng Lak. Ƀrô djơ̆ tal anai, ăt pơphun bruă pơplông pô pơ ala Bôh thâo pơđok hơdrôm hră tơring čar Dak Lak thun 2025, kiăng pơlar hyu bôh thâo pơđok, pơjing tơlơi juăt pơđok hơdrôm hră kơ čơđai sang hră, čơđai gưl dlông ƀơi tơring čar./.