Tal pơplông đă boh lông ƀing tơdăm ngek anai pơphun mơ̆ng lơ 11-15/5 ƀơi tơdron đă boh long Plei Ku Arena hăng sang pơtơ̆p rơjang drơi jăn Hàm Rồng, pơtum 12 grup đă boh lông. Amăng anun hơmâo 7 grup rai mơ̆ng jar kmar hăng hơdôm dêh čar Hàn Quốc, Khač, Lao, Malaysia, Japan hrŏm hăng 5 grup đă boh lông amăng dêh čar ta pô, kah hăng grup PVF, Hà Nội T&T, Sông Lam Nghệ An, Trường Tươi Bình Phước hăng LPBank Hoàng Anh Gia Lai.

Đĭ pơhiăp ƀơi mông pok jơnum, ơi Phạm Anh Tuấn, Khua Jơnum min mơnuih ƀôn sang tơring čar Gia Lai brơi thâo, Festival čưng boh lông tơdăm ngek jar kmar-Gia Lai thun 2026 hơmâo lu grup đă boh lông hmư̆ hing mơ̆ng jar kmar, ƀing tơdăm ngek 14 thun pơplông, pơhưč lu mơnuih ngă hrŏm amăng dêh čar hăng jar kmar kiăng pơtong rơđah Gia Lai hlăk yak nao akŏ pơjing anih pơhưč tuai rơnguai nao ngui ƀơi Gia Lai ĕp lăng bruă ngă pơplông pơrơguăt drơi jăn amăng dêh čar hăng jar kmar.