VOV4.Jarai-Tlam lơ 5/8, Grup pel ĕp mrô 143 mơ̆ng Khul git gai ping gah dêh čar yua kơ Nguyễn Trọng Nghĩa, ding kơna khul git gai ping gah dêh čar, Khua anom pơtô bruă ping gah dêh čar ngă khua khul ba jơlan hlâo nao ĕp lăng bruă mă, dua mơta tơlơi yôm phun, laih dơ̆ng dua boh yôm phun amăng bruă akŏ pơdong ping gah, anun lĕ Hră pơtrun mơ̆ng ping gah dêh čar jơnum lok 4 lok XII laih anun Hră pơtrun mrô 08 kơ tơlơi gơgrong ba jơlan hlâo.

Ơi Nguyễn Trọng Nghĩa đĭ pơhiăp ƀơi mông mă bruă

Yua kơ anun, kiăng pơđĭ tui pran jua mă bruă, tơlơi kơtang blah ngă, sem glăi pô, jăm ƀuah mă pô bruă mă, pioh kơ rĭm mơnuih ping gah mơ̆ khul nao ĕp lăng kơnang kơ bruă ĕp lăng jŭ yap glăi djop anom bruă ping gah, boh nik ñu mơnuih ngă khua ping gah, mơnuih apăn bruă khul git gai ping gah djop anom bruă.

Ơi Nguyễn Trọng Nghĩa Khua anom pơtô bruă ping gah dêh čar đăo sit, hăng tơlơi gơgrong sit nik, ping gah anom bruă kông an dêh čar hăng Grup nao ĕp lăng bruă mă, amra ngă hrom pơgiong bruă jao tŭ yua, djơ̆ anŏ pơkă, djơ̆ tơlơi pohiăn ping gah pơtrun.

Nay Jek: Pơblang