VOV4.Jarai - Grup ia săng ia jâo Việt Nam (Petrolimex) brơi thâo, mơng lơ 15/8 truh lơ 18/8, Petrolimex hơmâo djru rơbêh 3 klai 500 klăk prăk, blơi gơnam yua gah ia jrao hăng 125 tơn braih ba nao pơ sang ia jrao hăng hơdôm sang anŏ glăk tơnap tơnap ƀơi lu tơring čar gah Dơnung. Tŏng ten ñu: djru 2 klai prăk pioh dưm truă măi pơđoh oxy  hăng angin hơdjă arăng kơpĭ hĭ brơi kơ Sang ia jrao Nhiệt đới ƀon prong Hồ Chí Minh, Sang ia jrao pơjrao mơnuih ƀă kman Covid-19 kơtang ƀon prong Hồ Chí Minh hăng 50 tơn braih; djru ba tơring čar Đồng Nai 1 klai prăk pioh pơgang klin hăng 25 tơn braih; djru tơring čar Long An hăng Bình Dương rim boh tơring čar 25 tơn braih; laih dong djru brơi Keh vaccine pơgang Covid-19 tơring čar Đồng Tháp 250 klăk prăk hăng tơring čar Thưà Thiên - Huế 300 klăk prăk. Hlâo kơ anun, Petrolimex hơmâo pơgôp 250 klai prăk kơ Keh vaccine pơgang covid-19.

Siu H’Mai: Pơblang