VOV4.Jarai - Ngă tui bruă pel ĕp mơng Ding jum kơđi čar hăng Khul khua git gai Ping gah thun 2021, tlam lơ 7/12, ƀơi sang bruă Kơnuk kơna, Grup khua pel ĕp bruă mơng Ding jum kơđi čar hơmâo ngă bruă hăng Khul khua gơgrong bruă Ping gah Dêh čar kơ boh than git git, črâo bruă kơsem min, hrăm tui, pơptô pơblang, ngă rơđah hăng pok pơhai ngă tui Tơlơi pơtrun jơnum khua mua Ping gah dêh čar tal 13. Ơi Phạm Minh Chính, Khua dêh čar; ơi Phan Đình Trạc, Khua apăn bruă git gai Ping gah, Khua Anom wai lăng djŏp bruă amăng Kơnuk kơna, Khua grup hyu pel ĕp kơđi tơlơi mơng Ding jum kơđi čar, gum git gai mông ngă bruă. Ƀơi mông ngă bruă, ơi Phan Đình Trạc brơi thâo, Grup amra pơƀut hơduah tơña bruă git gai, kơsem min boh thâo, hrăm bruă, thâo hluh rơđah, pơtô pơblang, pơsit brơi djŏp bruă hăng pok pơhai ngă tui Tơlơi pơtrun jơnum Ping gah dêh čar tal 13. Khua dêh čar ơi Phạm Minh Chính lăng anai lĕ bruă kiăng biă mă đah mơng dưi ngă tui tơlơi git gai črâo bruă mơng Ping gah, tơlơi phiăn, tơlơi git gai mơng ƀing khua Ping gah, Kơnuk kơna, bruă dưi ngă, bruă hơmâo jao dưi ngă truh kih hloh.

Siu H’Mai: Pơblang