VOV4.Jarai-Mơguah lơ 19/5, hơdor glăi tal 131 thun hrơi tơkeng kơ Khua mir sir Hồ Chí Minh, grup mă bruă mơ̆ng sang bruă hlăk ai tơdăm dra mut phung dêh čar ngă hrom anom bruă tơdăm dra mut phung tơring čar Trà Vinh nao čuă hăng čuh ñang h’ŭ pơ pra yang hơdor kơ Wa Hồ gah să Long Đức, plơi prong Trà Vinh, tơrign čar Trà Vinh hơmâo rơbêh 47 rơbâo čô hlăk ai tơdăm dra mut phung, rơgao 5 thun pơphun, pok pơhai ngă tui hră Hră pơčrâo mrô 05 mơ̆ng Ding jum kơđi čar kơ bruă Pơtrut hrăm hăng hla tui tơlơi pơmin, pran jua, tơlơi dŏ dong ƀong huă hiam mơ̆ng Hồ Chí Minh”, hơmâo pơjing rai bruă mă bơblih kơtang biă mă hăng hlom bom amăng djop gưl khua mua, mơnuih apăn bruă hlăk ai, ƀing hlăk ai tơdăm dra mut phung.

Laih dơ̆ng, anom bruă hlăk ai tơring čar ngă lu hơdră kơsung nao pơ anăp hrăm hăng hla tui tơlơi pơmin, pran jua hiam mơ̆ng Hồ Chí Minh lir hơbit hăng bruă pơsir bruă mă dŏ gun amăng tơring čar truh pơ plơi pla, anom bruă, djru hrom ngă klă bruă pơtrun brơi pơđĭ kyar bơwih ƀong huă mơnuih mơnam, akŏ pơjing ping gah kjăp kơtang.

Ƀrô djơ̆ tal anai, amăng bruă mă mơ̆ng Anom bruă tơdăm dra mut phung dêh čar hăng tơring čar Trà Vinh hơmâo pơphun pla 20 phun kyâo amăng đang bơnga anih pơdong pra yang h’ŭ kơ Wa Hồ.

Nay Jek: Pơblang