VOV4.Jarai - Čơtlăm lơ 30/11, grŭp pel ĕp 138 mơng Ding jum kơđi čar yua kơ yă Trương Thị Mai, Ding kơna Ding jum kơđi čar, Ding kơna git gai Ping gah dêh čar, Khua Grŭp pơphun bruă Ping gah ba jơlan hlâo mă bruă laih hăng Ping gah khul Khua pơ ala mơnuih ƀôn sang kơ bôh tơhnal git gai, črâo ba bruă kơsem min, hrăm tui, lăi pơthâo, lăi pơhing, pơplih rơđah hăng pok pơhai ngă tui Tơlơi pơtrun pơsit Jơnum Khua pơ ala mơnuih ƀôn sang đơ đam dêh čar ta tal 13 mơng Ping gah. Khua git gai wai lăng pơ ala mơnuih ƀôn sang dêh čar ta ơi Vương Đình Huệ, Khua git gai Ping gah Khua pơ ala mơnuih ƀôn sang gum hrom git gai mông mă bruă. Pơhiăp amăng mông mă bruă, Khua git gai wai lăng pơ ala mơnuih ƀôn sang dêh čar ta ơi Vương Đình Huệ, Khua git gai Ping gah Khua pơ ala mơnuih ƀôn sang dêh čar tŭ ư hrom, pơsit yôm hră čih lăi pơthâo glăi mơng grŭp pel ĕp; hrom hăng anun pơsit, bruă pel ĕp hmâo ba glăi hơdôm tơhnal ngă klă hloh, mơng anun pơđĭ tui tơlơi pơmin kơ bruă pơdŏng Ping gah mơng Khul ping gah khua pơ ala mơnuih ƀôn sang, Ping gah anom bruă Khua pơ ala mơnuih ƀôn sang ăt kah hăng hmâo djru laih Ping gah thâo rơđah hơdôm bruă dưi ngă, ăt kah hăng tơlơi akă dưi ngă kiăng hơkrŭ glăi pơ̆ anăp anai./.

Siu H’ Prăk: Pô pơblang