VOV4.Jarai - Anăp nao tal pơphun djru bruă pơgang pơgăn klin mơng Jơnum min djop djuai ania mơnuih mơnam dêh čar Việt Nam, čơtlăm lơ 27/5, Grŭp pơphun bruă pơphun ngă lơphet gum pơčruh djru keh prăk pơgang, pơgăn klin Covid-19. Hăng pran jua gơgrong, gum hrom ngă kơdun hăng tơtlaih mơng klin Covid-19, Khua Grŭp pơphun bruă dêh čar ta yă Trương Thị Mai hăng rim mơnuih apăn bruă, mơnuih mă bruă čar, mơnuih mă bruă ƀirô Grŭp pơphun bruă hmâo djru ƀiă biă mă ñu sa hrơi prăk blan. Pơhiăp amăng mông ngă lơphet, Kơ-iăng khua Grŭp pơphun bruă Nguyễn Thanh Bình rơkâo hơdôm mơnuih apăn bruă, mơnuih mă bruă čar, mơnuih mă bruă ƀirô Grŭp pơphun bruă dêh čar ngă tui tơpă tơlơi pơkă kơ pơgang, pơgăn klin Covid-19, gir run ngă giong rah hơdôm bruă kơđi čar jao./.

Siu H’ Prăk: Pô pơblang