VOV4.Jarai -  Čơtlăm lơ 27/9, Jơnum min mơnuih ƀôn sang ƀôn prong Hà Nội mă yua Hră pơ-ar kơ bruă pơplih pơkra sa dua mơta bruă pơgang, pơgăn klin Covid-19 amăng rơnuk phrâo anai ƀơi ƀôn prong.

Mơnuih ƀôn sang dưi tơbiă gah rơngiao bơkơjăp drơi jăn

Rơđah biă ñu, mơng lơ 28/9, Jơnum min mơnuih ƀôn sang ƀôn prong brơi ngă tui sa dua bruă mă, rơkâo hơdôm anih anom sĭ mơdrô, bơwih ƀong, mơnuih ƀôn sang ngă tui tơpă tơlơi pơkă 5 mơta pơgang klin, khom pơčrang mrô QR hăng hơdôm bruă pơgang, pơgăn klin mơng Ding jum ia jrao hăng ƀôn prong, hmâo: bơkơjăp drơi jăn gah rơngiao samơ̆ ƀu dưi tum pơƀut lu hloh kơ 10 čô mơnuih; Anom sĭ mơdrô, anih tơčôh băn ao, sĭ sum ao, gơnam pơhrôp kiăng hiam. Jơnum min mơnuih ƀôn sang ƀôn prong jao kơ Gơnong bruă ia jrao gum hrom hăng hơdôm bôh anom ngă tui tơhnal wai lăng gah ia jrao, biă ñu pơčrang lăng mơng 2-3 hrơi sa wot ƀơi hơdôm anih anom guang dar, anih amra hmâo klin ngă, hmâo klin ngă prong kiăng wai lăng tơlơi lar hyu mơng klin; pel ĕp dong kiăng ngă giong bruă tlâ̆o pơgang vaccine./.

Siu H’ Prăk: Pô pơblang