VOV4.Jarai - Tơdơi mông jơnum truh kih “Bơkơtuai pơsir brơi tơlơi tơnap kơ anom bơwih ƀong hơmâo prăk tuh pơplai mơng čar rơngiao”, mơguah lơ 6/11, ƀon prong Hà Nội ăt pơphun dong mông jơnum “Bơkơtuai pơsir brơi tơlơi tơnap kơ anom bơwih ƀong ƀơi ƀon prong amăng mông hơmâo klin Covid-19”. Mông Jơnum hơmâo 150 čô khua pơ ala kơ hơdôm ding jum, anom  bruă kơnuk kơna; khua mua ƀon prong Hà Nội; Khul mơnuih bơwih ƀong, bruă mă, anom bơwih ƀong glăk mă bruă ƀơi ƀon prong. Mông jơnum ăt jing hrơi kiăng khua git gai ƀon prong Hà Nội pơhmư̆ tơlơi pơgôp hiăp mơng ƀing bơwih ƀong, mơng anun hơmâo hơdră pơsir brơi hơdôm tơlơi tơnap amăng bruă pơkra gơnam sĭ mơdrô bơbeč yua klin Covid-19 ngă. Phrâo anai, Jơnum  min mơnuih ƀon sang ƀon prong Hà Nội ăt pơtrun kơčăo bruă rŭ glăi hăng pơđĭ kyar lăp djơ̆ hăng mông hơmâo klin, ngă bruă hơdeč hmar, wai lăng klă klin Covid-19 amăng 3 blan tal 4 thun 2021 hăng hơdôm thun pơ anăp 2022, 2023.

Siu H’Mai: Pơblang