VOV4.Jarai - Tơlơi pơhing mơng Jơnum min mơnuih ƀon sang ƀon prong Hà Nội brơi thâo, truh abih lơ 11/10, ƀon prong hơmâo ngă tui tơlơi djru mơng Kơnuk kơna, tơlơi djru phara mơng ƀon prong hăng jak iâu abih bang mơnuih djru ba ƀing tơnap tap hăng mrô prăk rơbêh 1.517 klai prăk. Rơđah biă ñu, prăk mơng kơnuk kơna hơmâo kiăo tui Tơlơi pơtrun jơnum mrô 68 mơng Kơnuk kơna, Tơlơi pơtrun mrô 15 mơng ƀon prong 1.123 klai prăk; prăk jak iâu mơnuih ƀon sang djru ba hơmâo rơbêh 393 klai prăk. Jơnum min djŏp djuai ania mơnuih mơnam ƀon prong ăt brơi giăm 90 klai prăk mơng prăk arăng pơčruh pioh pơgang klin Covid-19 brơi kơ 175.117 čô mơnuih tơnap tap ƀơi ƀon prong.

Siu H’Mai: Pơblang