VOV4.Jarai-Mơguah lơ 12/6, rơbêh 93 rơbâo čô čơđai sang hră ƀơi Hà Nội nao pơplông mut hrăm anih 10 sang hră kơnuk kơna thun hrăm 2021-2022 hăng 2 mơta tơlơi pơplông Ngữ văn laih anun Tơlơi pơhiăp tač rơngiao. Mơguah lơ 13/6, pơplông 2 tơlơi hrăm dŏ glăi lĕ Toán hăng Lịch sử.

Kiăng pơgang hơđong hăng pơgang klin kơ čơđai nao pơplông, Kơ-iăng Khua Jơnum min mơnuih ƀôn sang ƀôn prong Hà Nội ơi Chử Xuân Dũng, Khua git gai bruă pơplông, iâu pơmut hrăm anih 10 ƀơi ƀôn prong Hà Nội thun hrăm 2021-2022 pơtrun hiăp kơ djop anih pơplông, brơi pơpha bruă ĕp lăng tơlơi pơplông khom nao tañ hloh, čơkă čơđai sang hră; laih dơ̆ng rơkâo ƀơi 184 anih pơplông laih pơplông khom rơnăk sang hră, anih pơplông, lan sang hră.

Kiăng kơ tơlơi pơplông tơpă, djơ̆ tơlơi phiăn, Gơnong bruă Pơtô hăng Pơjuăt Hà Nội hơmâo iâu pơtum 500 čô khua mua ĕp lăng ƀơi 184 boh anih pơplông hăng akŏ pơjing grup hyu ĕp lăng hơdră pơphun tơlơi pơplông.

Nay Jek: Pơblang