VOV4.Jarai - Anom bruă rơngĭt adai Việt Nam (gah Anom bruă kơsem min boh thâo măi mok Việt Nam) brơi thâo: Tui hăng tơlơi lăi pơthâo sit nik mơng Anom bruă wai lăng rơhuông adai Japan (JAXA), hrơi mông amra ba đĭ êkrang NanoDragon “Made in Việt Nam” yua ƀing rơgơi kơhnâo gah anom bruă rơngĭt adai Việt Nam, Anom bruă kơsem min boh thâo măi mok Việt nam pơkra pơjing amra lĕ lơ 7/10 pơ anăp anai. Him lăng mơng 7 mông 51 mơnit truh pơ 7 mông 55 mơnit, mơng tơdrŏn Anom bruă rơngĭt adai Uchinoura, Japan. Êkrang NanoDragon lĕ êkrang hơmâo Anom bruă rơngĭt adai Việt Nam pơkra ming phrâo. Thun blan kơsem min, pơkra pơjing, dưm truă, yua lông lăng hơdôm măi mok dưi pơphun ƀơi dêh čar Việt Nam mơtăm, yua ƀing rơgơi măi mok mơng Anom bruă rơngĭt adai Việt Nam pơkra. Êkrang NanoDragon hơmâo pơkra kiăng kơ dưi tŭ mă hơdôm plang pơhing đuăi mă pô mơng ƀattô, mă yua kiăng kơ krăo lăng hơdôm song ƀattô amăng kual ia rơsĭ. Anai lĕ êkrang pioh pơkra pơjing klă ƀiă dong mơng hơdôm êkrang anet ƀiă “Made in Việt Nam” mơng anom bruă rơngĭt adai” mơng anom bruă rơngĭt adai Việt Nam kiăng kơ ngă tui “Hơdră pơđĭ kyar hăng mă yua boh thâo măi mok hăng rơngĭt adai truh thun 2030” hơmâo khua dêh čar ta tŭ yap amăng lơ 4/2/2021.

Siu Đoan: Pơblang