VOV4.Jarai - Hăng tơlơi iâu pơthưr  “Tañ pơtô pơblang, lăi pơthâo hmao tlôn, pơlir hơbit abih bang mơnuih”, hlăk ai Gialai hơmâo pơsur lu mơnuih kiăng kơ djru gơnam tam măi mok hăng gơnam ƀong huă brơi hơdôm anih pơčlah pơƀut mơnuih, hơdôm anih wai pơgang klin Covid-19 hăng mơnuih ƀon sang amăng kual glăk guang dar.

Mơng hrơi hơđuh đĭ klin tal 4 truh ră anai, ƀing hlăk ai amăng tơring čar Gialai hơmâo pơsur djru rơbêh 9.800 gơnam gôm ƀô̆ mơta, rơbêh 450 akhăn gôm ƀô̆, ao buh gah ia jrao, ia jrao rao tơngan, hrŏm hăng lu gơnam tam pơkŏn hăng nua rơbêh 3 klai ha mơkrah. Pran hur har mơng hlăk ai tơring čar Gialai amăng hơdôm hrơi laih rơgao hơmâo tơlơi dong yua gum pơgôp mơng ƀing mơnuih čơmah kiăng kơ gum tơngan hrŏm pơgang klin Covid-19.

Siu Đoan: Pơblang