VOV4.Jarai - Ƀơi Ƀirô mă bruă, hơdôm anom bruă amăng Ƀirô Khua pơ ala mơnuih ƀon sang dêh čar, anom bruă mơng Jơnum min apăn bruă Khua pơ ala mơnuih ƀon sang dêh čar, anom bruă Khua pơ ala mơnuih ƀon sang dêh čar  pơphun mông pơgôp prăk djru pơgang klin Covid-19. Ƀơi anăp kơ tơlơi tơnap tap mơng klin Covid-19, kiăng kơ gum tơngan hrŏm pơgang klin, ngă tui tơlơi jak iâu mơng Jơnum min djop djuai ania mơnuih mơnam Việt Nam, hơmâo tơlơi tŭ ư mơng Khua pơ ala mơnuih ƀon sang dêh čar, anom bruă Khua pơ ala mơnuih ƀon sang dêh čar pơphun mông pơgôp prăk djru pơgang klin Covid-19.

Hơdôm anom bruă Khua pơ ala mơnuih ƀon sang dêh čar pơgôp prăk djru pơgang klin Covid-19

Khua čih pioh, khua anom bruă Khua pơ ala mơnuih ƀon sang dêh čar Bùi Văn Cường brơi thâo anai lĕ bruă mă yôm phăn; laih dong rơkâo abih bang khua mua ƀơi djop anom bủă Khua pơ ala mơnuih ƀon sang dêh čar, anom bruă amăng Jơnum min apăn bruă Khua pơ ala mơnuih ƀon sang dêh čar  hăng abih bang mơnuih apăn bruă, mơnuih mă bruă amăng anom bruă Khua pơ ala mơnuih ƀon sang dêh čar nao pơgôp prăk apah sa hrơi mă bruă pơ dlông. tơdơi kơ mông pơgôp prăk kak, anom bruă Khua pơ ala mơnuih ƀon sang dêh čar hơmâo mơ-it 350 klăk prăk nao pơ Jơnum min djop djuai ania mơnuih mơnam Việt Nam.

Siu Đoan: Pơblang