VOV4.Jarai - Hơdor glăi 96 thun Hrơi hră pơhing hơkrŭ Việt Nam (21/6), mơguah lơ 18/6, lu khul grŭp pơ ala nao hơ-ưč hmưi, pơtrut pơsur mơnuih apăn bruă, mơnuih čih tơlơi pơhing dăp hơdră, mơnuih mă bruă gah măi mok Gong phun jua pơhiăp dêh čar Việt Nam. Nao čuă hăng hơ-ư̆č hmưi Gong phun jua pơhiăp dêh čar Việt Nam, hơdôm grŭp pơ ala bơni tơlơi gum hrom mơng Gong phun jua pơhiăp dêh čar Việt Nam hmâo gum hrom ding jum, gơnong bruă hăng gong gai plơi pla ngă tui bruă pôr pơhing hơdră bruă mơng Ping gah hăng Kơnuk kơna truh hăng lu mơnuih hmư̆ brô, mơnuih ƀôn sang amăng đơ đam dêh čar ta, biă ñu lĕ mơnuih ƀôn sang kual asuek, ataih, kual neh wa djuai ania ƀiă, guai lŏn ia, bul ia rơsĭ. Khua git gai Gong phun jua pơhiăp dêh čar Việt Nam pơsit: Gong phun jua pơhiăp dêh čar Việt Nam lăi pơthâo djơ̆ na nao, tơpă, hmư̆ lu bơnah, hmâo tơhnal pơsit jơlan gah hơdôm tơlơi bơwih ƀong – bruă kơđi čar – mơnuih mơnam mơng lŏn ia. Khua git gai Gong phun jua pơhiăp dêh čar Việt Nam čang rơmang pơ̆ anăp anai, hơdôm Ding jum, Gơnong bruă, ƀirô, khul grŭp dêh čar ta, hơdôm tơring čar, ƀôn prong amra gum hrom kơjăp dong hăng Gong phun jua pơhiăp, djơ̆ hăng tơlơi kiăng hmư̆ tơlơi pơhing mơng lu mơnuih ƀôn sang./.

Siu H’ Prăk: Pô pơblang