VOV4.Jarai - Ngă tui tơlơi pơtrun mơng Khua dêh čar kiăng kơ pơhlôm hlâo kơthel RAI, dong mơng lơ 17/12, hơdôm tơring čar, ƀôn prong kual tong krah kŏm ƀattô, song nan tơbiă hyu, hơmâo wŏt ƀattô pơgiăng hyu gơnam amăng dêh čar ta. Ƀôn prong Đà Nẵng hơmâo kŏm ƀattô đuăi hyu mă akan hơdang; rơkâo djop ƀattô đuăi nao pơ kual ia rơsĭ hơđăp ƀơi Thọ Quang hăng hơdôm anih hơđăp tui arăng črâo ba … Dong mơng 12 mông yang hrơi dong lơ 17/12, Anom bruă git gai ling tơhan pơgang guai lŏn ia tơring čar Quảng Nam hăng hơdôm tơring glông, plơi prong ter hang ia rơsĭ kŏm ƀu brơi ƀattô đuăi hyu mă akan hơdang. Laih dong, hơdôm anom bruă lăi pơthâo brơi ƀattô glăk hyu mă akan đuăi glăi pơ hang, ĕp anih hơđăp. Ƀơi tơring čar Bình Định, djop ƀon lan rơkâo ƀattô glăk hyu mă akan amăng ia rơsĭ tañ wer hĭ hơdôm kual hŭi rơhyưt. Hơmâo laih rơbêh 50 boh ƀattô hăng 500 čô mơnuih ƀơi hơdôm tơring čar Quảng Nam, Quảng Ngãi, Bình Định, Phú Yên hăng Khánh Hòa mut nao laih pơ ƀul pơtâo Song Tử Tây hăng Sinh Tồn, tơring glông Trường Sa hơđăp.

Siu Đoan: Pơblang