VOV4,Jarai - Ƀơi Hà Nội,  Sang anih jưh pơ ala dêh čar Chile ƀơi Việt Nam pơphun mông pioh hơdor glăi 50 thun hrơi akŏ pơjing bruă pơtom hiăp kơplah wah Việt Nam- Chile. Ră anai Chile lĕ dêh čar ngă hrŏm sĭ mơdrô prong tal 4 hăng dêh čar Việt Nam ƀơi kual Mi Latin hăng Việt Nam lĕ dêh čar ngă hrŏm sĭ mơdrô prong hloh hăng dêh čar Chile amăng kual ASEAN, hăng rơnoh pơhrui mơng sĭ mơdrô amăng blan 10 thun anai truh pơ 1 klai 600 klăk đôlar Mi. Amăng mông ngă lơphet, Kơ-iăng khua ding jum pơtom hiăp Nguyễn Quốc Dũng hơmâo lăng glăi thun blan ngă hrŏm amăng 50 thun laih rơgao; laih dong brơi thâo rơnoh pơhrui dua bonahg amăng 9 blan akŏ thun 2021 giăm 1,470 klai đôlar Mi (đĭ 59% pơhmu tui tơđar thun 2020). Việt Nam hăng Chile tŏ tui gum hrŏm kjăp hăng dong yua tơdruă amăng djop khul grup jar kmar hăng hơdôm mông jơnum djop bơnah, tŏ tui ngă hrŏm hăng djru tơdruă kiăng kơ dưi pơgang klin, pơdah pran thâo gum pơgôp, giang mah pơlir hơbit mơnuih ƀon sang dua bơnah.

Siu Đoan: Pơblang