Lơ 15/9, ƀơi sang pioh h’ŭ atâo dêh čar či Hà Nội, Khul khua mua apăn bruă ping gah dêh čar, khua pơ ala mơnuih ƀôn sang dêh čar, khua mir sir, khua kơnuk kơna, Jơnum min djop djuai ania mơnuih mơnam Việt Nam hăng sang anŏ hơmâo pơphun jơnum h’ŭ prong prin brơi mut nao jôk mơyut atâo djai mơ̆ng khua tơhan krên dên Phùng Quang Thanh, khua hơđăp ding kơna ding jum kơđi čar, kơ-iăng khua hơđăp git gai ping gah ling tơhan dêh čar, khua hơđăp ding jum ling tơhan, tui hơdră jôk gưl dêh čar.

Jơnum h’ŭ, khua tơhan krên dên Phùng Quang Thanh pơphun hơdră prong biă mă

Lu grup khua mua dêh čar nao jôk atâo ơi Phùng Quang Thanh hơmâo: Grup khua mua apăn bruă ping gah dêh čar, yua kơ ding kơna ding jum kơđi čar, khua mir sir ơi Nguyễn Xuân Phúc ba jơlan hlâo, khua hơđăp git gai ping gah ơi Nông Đức Mạnh nao hrom. Tŏ tui dơ̆ng, gah khua mir sir yua kơ ơi Nguyễn Xuân Phúc mơ̆n ba jơlan hlâo; grup khua mua pơ ala mơnuih ƀôn sang dêh čar yua kơ Vương Đình Huệ khua git gai pơ ala mơnuih ƀôn sang dêh čar ba jơlan hlâo; grup kơnuk kơna yua ơi Phạm Minh Chính Khua dêh čar ba jơlan hlâo; grup Jơnum min djop djuai ania mơnuih mơnam dêh čar yua Kơ-iăng khua Jơnum min Khua čih pioh Jơnum min djop djuai ania mơnuih mơnam dêh čar ơi Lê Tiến Châu ba jơlan hlâo nao jôk atâo ơi Phùng Quang Thanh.

Nay Jek: Pơblang